Sófaborð sem varð hliðarborð.....

.... við sjónvarpssófann er alveg ótrúlega góð hugmynd, þó ég segi sjálf frá ;)

Mér áskotnaðist ferhyrnt palesander sófaborð frá foreldrum mínum, þau höfðu ekki not fyrir það og ætluðu að láta það í GH en ég taldi mig geta notað það með smá breytingu.

Ég gleymdi auðvitað að taka mynd af því áður en maðurinn minn myndaði sögina. En það leit nokkurn veginn svona út, nema hliðarspýturnar eru alveg upp við borðplötuna og á alla kanta.

Við vorum alltaf að vandræðast með hornið við sjónvarpssófann, það var eiginlega bara hálfgerð ruslakista. Það svona já vantaði eitthvað þarna.

Lampinn var líka alls ekki að passa þarna, kom leiðindaglampi á sjónvarpið fyrir þá sem sitja hinum megin í sófanum. Svo bara vildi alltaf safnast drasl þarna.

Fartölvutaska, fartölvubakki, prjónadótið og myndavélin. 

Svo væri líka gott að geta lagt frá sér glas eða eitthvað svoleiðis.

Þannig að húsmóðirin lagði húsbóndanum það verkefni að taka borðið í tvennt (ég hjálpaði samt smá til sko), síðan settum við vinkla beint á vegginn í staðinn fyrir að festa borðin alveg við vegginn. Þá er hægt að taka þau frá þegar þarf að þrífa. Já svona erum við ótrúlega sniðug :)

Mér sýnist þetta ætli að vera nýji uppáhalds staðurinn hjá þessu krútti.

Borðið passar akkurat í þetta rými

Ja, Nói er allavega mjög sáttur með þessa breytingu :)

Næsta skref er svo að meðhöndla borðin einhvern veginn, pússa og lakka eða mála.... er ekki alveg búin að ákveða. Ætla að máta þetta aðeins svona, líka sjá til hvað við gerum í sambandi við sjónvarpshirslu, næst á dagskrá er að finna eitthvað skemmtilegra þar. Eins og er erum við með gamla Rúmfatalagers kommóðu sem ég var búin að gera upp, sjá hér. Hún er búin að nýtast vel þessi, minnir að ég hafi keypt hana um 1999. En skúffurnar eru orðnar lúnar og okkur langar bara að fá okkur eitthvað skemmtilegra.

Það eru sko næg verkefnin, þið kannski kannist við þetta :)

Knús út í daginn

Birna

Jólagjöf frá...

.... mér til mín er komin í hús. Ég var ekkert að vesenast með að geyma gjöfina eitthvað heldur spændi upp pakkann í mikilli tilhlökkun og váááá.....  I´m in Love

Ég er búin að sjá svo marga flotta púða á hinum ýmsu síðum og er Dossa sérstaklega dugleg að sýna okkur margt fallegt. Maður fær alveg kaupsting við að sjá allt þetta fallega dót.

En svo var ég að vafra inná www.aliexpress.com um daginn í fyrsta skiptið því maður var að heyra annan hvern mann tala um þessa síðu og þá rakst ég á þessa dásemd.

Ég var sko ekki lengi að næla mér í þá. Mér finnst þeir svoooo fallegir.

Svo er bara spurning á ég að hafa þá hér í stofunni?

Eða í sjónvarpsholinu?

Hvað finnst ykkur? Hvar njóta þeir sín betur?

Svo var ég víst ein af fáum sem náði að næla sér í svona flottan bakka í RL.

Hann er bara æði og svo er skál í stíl, fínt fyrir smákökurnar með sjónvarpsglápinu á kvöldin.

En hvað segiði; í stofunni eða sjónvarpsholinu? Hvaða púði er uppáhalds? 

Persónulega er ég alltaf rosalega veik fyrir uglum en ég get heldur ekki staðist flott hreindýr.

Munið að skilja eftir ykkur spor, það er svo gaman að sjá hverjir eru að skoða.

Jólaknús 

Birna

Nýjir púðar í sjónvarpsdyngjuna...

.... okkar. Ég tók mig til í gær og gerði jólahreingerninguna á kúrusófanum okkar þar sem ég fer að fara til Höfuðborgarinnar að koma barninu í heiminn. Verður gott að koma heim í hreint heimilið í stað þess að byrja að þrífa þá. Er þetta ekki gott plan hjá mér ?

Ég ryksugaði sófann, færði til og tók ALLA púðana... sem eru margir.... og já ég er komin 38 vikur :) ég læt sko ekkert stoppa mig. Sófanum fylgir nefnilega svakalegt magn af púðum og auk þess er ég með 4 stóra púða..... s.s. lexían hér, það er ALDREI of mikið af púðum. Tveir af þessum púðum var ég alltaf á leiðinni að sauma nýtt utanum en það var eitt af þeim verkefnum sem sátu alltaf á hakanum. Ég að sjálfsögðu henti mér í þetta verkefni og VOILA.....

Ég verð að afsaka gæðin á myndunum en myndavélin er eitthvað að stríða mér þessa dagana. Mér finnst myndirnar allar koma svo óskýrar út allt í einu, ég bara skil það ekki. En allavega þá eru þessir skrautlegu púðar núna mjög vinsælir meðal strákanna og þykja mjög flottir.

Knús Birna

Verðlaunasafn....

... okkar Ásgeirs samanstendur af yfir 300 verðlaunapeningum og nokkrum bikurum, flest fengið fyrir góðan árangur í frjálsum íþróttum. Við erum bæði mikið íþróttafólk og byrjuðum ung að keppa, enda var það líka þannig sem við kynntumst fyrst... á Frjálsíþróttamóti Hrafnaflóka á Bíldudal.

Við vildum ekki hafa alla þessa verðlaunapeninga ofan í kassa og veltum því fyrir okkur hvar við gætum komið þessu upp. Það voru nokkrar staðsetningar athugaðar og að lokum var ákveðið að setja safnið upp á vegg í sjónvarpsherberginu. Upphaflega leit herbergið svona út:

Síðan var málað hvítt og við fjárfestum í risa kósísófa úr Ego Dekor sem við gjörsamlega elskum. Þessi mynd er tekin um jólin í fyrra.

Eftir framkvæmdir í vor/sumar réðumst við svo í að setja ljóst plastparket á gólf sem samsvaraði sér vel við ljósa korkparketið í stofunni og eldhúsinu. En back to the real story ;) svona var veggurinn áður en við fórum í verðlaunasafns-verkefnið :)

Frekar tómlegt enda bara verið að bíða eftir að gera eitthvað annað við hann. Við keyptum 2 hvítar lack hillur í IKEA, aðra 1.90 og hina 1.10. Síðan lét ég útbúa fyrir mig 3 m x 50 cm langan svamp sem við ætluðum að setja á plötu og bólstra síðan yfir. Efnið fengum við í Rúmfó á 1495.-

Svona lítur svo meistaraverkið út :)

Við erum bara alveg rosalega sátt við útkomuna

Hvað finnst ykkur um þessa lausn ???

Kveðja Birna