þriðjudagur, 16. júlí 2013

Afmælisborðið - leikborðið

Þið hafið kannski séð myndir af þessu afmælisborði mínu í fyrri pósti hér en þetta er borð sem ég er búin að nota síðan 2009. Það kom þannig til að elsti strákurinn minn, Óliver Logi, á afmæli í júlí og ég hef nánast alltaf haldið uppá afmælið hans úti í garði. 

Þá var það vandamálið að mig vantaði borð og stóla fyrir krakkana að sitja við. Ég var nýbúin að kaupa hús á Bíldudal og með því fylgdi eldhúsborð sem ég þurfti ekki að nota, þannig að ég sagaði undan fæturnar að hluta þannig að það væri nægilega hátt fyrir krakkana að sitja við.

Síðan keypti ég plastdúk í rúmfatalagernum,  setti kósur á hornin og notaði síðan tjaldhæla til að festa dúkinn niður. Þá er komið voðalega kósi horn fyrir krakkana.


Úr 2ja ára afmæli - Kung fu panda þema


Úr 3ja ára afmæli - Dóra Landkönnuður þema


Úr 4ra ára afmæli - Spiderman þema


Þetta borð er búið að koma sér mjög vel og við höfum notað það inni líka, sem við gerðum í 5 ára afmæli Ólivers og 2ja ára afmæli Frosta. Núna í ár, í 6 ára afmælinu var Star Wars lego þema, mamman var hinsvegar í tímaþröng og náði ekki að gera breytinguna á borðinu fyrir afmælið þannig að það leit bara svona út:


En um kvöldið vippaði ég því út og tók upp spreybrúsann.....


það er ekki bara svart ....


heldur  líka krítarborð.  Það vakti heldur betur lukku hjá strákunum mínum. Gátum búið til svaka flotta vegi fyrir nýju bílana og mótorhjólin sem Óliver fékk í afmælisgjöf.

Einnig sá ég það líka út að nú þarf kannski ekki alltaf að dúka borðið, bara hægt að kríta á það t.d. nöfn krakkanna osfrv. Margir möguleikar....


Knús

Birna
Best Blogger Tips

8 ummæli:

  1. Þú ert alveg MET... Það sem að þér dettur í hug;) SNILDARHUGMYND!!!!

    KV Steinunn Fj.

    SvaraEyða
  2. Þetta er frábært, góð hugmynd hjá þér! Alveg meiriháttar, er að pælí að stela þessari ;) Kv. Begga

    SvaraEyða
  3. Snjallt!

    Mikið betra en dúkar og skemmtilegra að leika sér með þetta :)

    SvaraEyða
  4. Snillingur ertu Birna :) ógó flott hugmynd og drengirnir greinilega mjög ánægðir með þetta sérstaklega Frosti :)
    kveðja að austan,
    Halla

    SvaraEyða
  5. takk fyrir :) já Frosti bílakall er sko ekkert að hata þetta. Svo í gær voru vinirnir Óliver og Fjölnir að teikna á þetta kastala. Þannig að þetta borð er alveg að gera sig :)

    SvaraEyða
  6. Snilldar hugmynd!
    kv. Svandís

    SvaraEyða