Bóndadagurinn 2013

Bóndadagsgjöfin í ár var einföld en skemmtileg. 

Ég ákvað að safna saman ýmsu góðgæti sem 

ég veit að er í uppáhaldi; appelsín, draumur, lakkrís og djúpur. 

Síðan setti ég fjórar gerðir af íslenskum bjór til að smakka 

og að lokum ástar inneignarmiða þar sem hann gat innheimt eftir eigin óskum 

t.d. nudd, vídjókvöld, rómantískan göngutúr og sitthvað fleira.

Hann var svona líka lukkulegur með þetta þessi elska.

Þetta hitti alveg í mark.

Það er svo gaman að gleðja aðra 

Knús Birna

Alexander Nói

Yngsti sonurinn var skírður þann 5. janúar síðastliðinn og fór athöfnin fram í 

fallegu kirkjunni minni á Bíldudal, en þar var ég sjálf skírð sem barn. 

Veislan var síðan í safnaðarheimilinu en það hús er kallað Gamli skóli af Bílddælingum því þetta er gamli barnaskólinn á Bíldudal. Til gamans má geta að þarna fór pabbi minn í skóla.

Við buðum fjölskyldum okkar og vinum til að fagna þessari stund með okkur 

og vorum svo þakklát fyrir hve margir komu til að gleðjast með okkur

Drengurinn okkar var skírður Alexander Nói

Stóru bræðurnir að halda á skírnarkertinu

Verið að fylgjast með söngnum en góð vinkona okkar söng lagið Líf fyrir Alexander Nóa

Stoltir foreldrar með yngsta soninn

Fallega fjölskyldan mín

Guðforeldrar, Helga móðir mín og Barði bróðir Ásgeirs.

Ömmur og afar með nýskírða barnabarninu

Alexander Nói fór alveg eftir uppskriftinni og sofnaði í skírnarkjólnum

Kakan sem ég útbjó fyrir skírnina, Örkin hans Nóa

Svona steina hef ég málað fyrir alla drengina mína þegar þeir eru skírðir

Öll skírnarkertin saman, gerð af nunnunum í Karmelklaustrinu í Hafnarfirði

Takk kærlega fyrir komuna kæru vinir og netvinir takk fyrir að skoða bloggið

Knús Birna